Суперлига 14-туридан ўрин олган “Андижон” – “Насаф” (0:0) учрашувидан сўнг меҳмонлар бош мураббийи Рўзиқул Бердиев ўз фикрларини билдириб ўтди.
“Учрашув ажойиб атмосфера остида ўтди. Бугун жанг бўлиши кутилган эди ва амалда ҳам шундай бўлди. Қисман ташаббус бизда бўлди. Вазиятларимиз кўп бўлди, аммо гол кирита олмадик. “Андижон” ўз мухлислари қаршисида яхши ҳимояланди. Ўйлашимча, уларни 1 очко қониқтиради. Майдон ҳолати бугуни беллашувнинг боришига ҳам таъсир ўтказди.
Жигаури назорат баҳсларида ҳам иштирок этди ва шу сабаб унга имкон бердик. Чавез эса жамоамизга бироз кеч қўшилди. Унинг жисмоний ҳолатини яхши кўринишга келтиришимиз керак. Қизил карточка ҳақида гапирадиган бўлсам, грузиялик футболчилар одатда қизиққон бўлади ва у бугун провокацияга учради.
Трансфер ойнаси ёпилишига оз фурсат қолмоқда. Яна икки футболчини таркибга қўшишни режалаштирган эдик. Лекин камида бир футболчини ўз сафимизга қўшиб оламиз. 31-июлга қадар ушбу трансфер амалга ошади.
Баъзи учрашувлар бўлади, вазиятлар ярата олмайсиз ва дурангни тўғри қабул қилиш мумкин бунда. Бугун эса голга жуда ҳам яқин келдик. Шу сабаб натижадан қониқмадим”, – деди Бердиев.
