"Интер" бош мураббийи Симоне Индзаги "Челси" ҳужумчиси Ромелу Лукаку "Ювентус" билан музокара олиб бораётгани ҳақидаги хабарларга изоҳ берди.

“Барчангиз биласизки, мен ва клуб ўтган йили Лукакуни қайтариш учун қанча иш қилгандик. У бизга катта ёрдам берди. У бутун "Интер" оиласининг, айниқса, энг муҳим қисми бўлган мухлисларнинг меҳрини олди. Ҳикоя, эҳтимол, бошқача якунланишига лойиқдир, лекин мен унга ўтган йили бизга берганлари учун раҳмат айтаман. У жароҳатдан қайтгач, мақсадларимизга эришишда бизга катта ёрдам берди", - дея Индзаги сўзларини келтиради Pazzidifanta.com.