"Милан" ҳужумчиси Анте Ребич "Бешиктош"га ўтишга яқин.
Инсайдер Фабрицио Романо хабарига кўра, турк клуби 29 ёшли хорват учун 2 миллион евро тўлайди. Ребич 2025 йилгача шартнома имзолайди. Якшанба куни у Истанбулга учиб кетади ва у ерда жамоанинг янги азоси сифатида таништирилади.
Ребич 2020 йилдан бери “Милан” сафида тўп тепади. Ўтган мавсумда форвард барча турнирларда 31 та ўйин ўтказиб, 3 та гол ва 2 та голли узатмани амалга оширган.













