"Валенсия" ярим ҳимоячиси Юнус Муса испан клубини тарк этиб, унинг хизматларига "Милан" қизиқиш билдираётган Италия чемпионатига ўтишга яқин турибди.
Нуфузли инсайдер Фабрицио Романо хабарига кўра, 20 ёшли америкалик футболчи яқин кунларда тиббий кўрикдан ўтади ва "россонерилар" билан меҳнат шартномаси тузади. Мусанинг трансфери учун италян топ-клуби 20 миллион эвро тўлайди.
Юнус 2019 йилдан бери “кўршапалаклар” сафида ўйнаб келмоқда. Ярим ҳимоячи ўтган мавсумда испан жамоаси сафида 37 та ўйинда майдонга тушиб, 2 та голли узатмани амалга оширган.
