Тажрибали ярим ҳимоячи Азимжон Аҳмедов ёзги трансфер ойнаси даврида яна севимли жамоаси “Навбаҳор”га қайтиб, “лочинлар” билан шартнома имзолади.

Азимжон Аҳмедов 1992 йилнинг 4 январида Наманган вилоятининг Наманган туманида таваллуд топган. Наманган футболи тарбияланувчиси.

Футболчилик фаолияти давомида “Навбаҳор” (Наманган, 2010-2015, 2019-2022 йиллар) ва “Пахтакор” (Тошкент, 2016-2018 йиллар) жамоаларида тўп тепган.

Шунингдек, Аҳмедов 2016 йилдан буён Ўзбекистон миллий терма жамоасига номзод футболчи саналади ва миллий термамиз таркибида кўплаб ўйинларда майдонга тушган.
Тажрибали ярим ҳимоячи жорий мавсумнинг 1-даврасини “Турон” (Яйпан)да ўтказиб, яйпанликлар таркибида Суперлига баҳсларида 9 та, Ўзбекистон кубоги учрашувларида эса 3 та ўйинда майдонга тушди.

"Биз Азимжон Аҳмедовга жамоамизда омад ёр бўлиб, чиройли ўйинлари ва голлари билан “Навбаҳор” мухлисларини хурсанд этиши, шунингдек, “лочинлар”нинг зафарларига муносиб ҳисса қўшишини тилаб қоламиз." - дейилади "Навбаҳор" сайтида.