Суперлига 14-турида ўз майдонида «Металлург»ни мағлуб этган «Нефтчи» клуби бош мураббийи Виталий Левченко ғалаба, янги футболчилар, рақобат ва мухлислар ҳақида фикр билдирди.

“Рақиб бутун жамоа бўлиб ҳимояланди ва бу бизга қийинчилик туғдирди. Бирични таймда гол уриб олганимизда ўйин бошқача тус оларди. Иккинчи тайм ҳужумкорликни оширдик ва гол уришга эришдик. Бундай об-ҳавода футбол ўйнаш қийин. Шунга қарамай, ўйин темпини туширмадик. Футболчиларга раҳмат”, - деди мураббий.

“Ҳозиргидек иссиқ ҳавода футболчиларга қанчалик қийинлигини биламиз. Нафақат легионерлар, балки маҳаллий футболчилар ҳам қийналишмоқда. Янги футболчиларга мослашишлари учун вақт керак. Қолаверса, улар ҳали жамоада бошқалар билан рақобатлашишлари керак”.

“Тошмирзаев рақобатда ютиб чиқсагина асосий таркибда майдонга тушиши мумкин. У бошқа клуб ўйинчиси эди, энди эса бизнинг жамоамизда. Талаб ҳамма жойда бир хил”.

“Албатта, уй ўйинларимизда мухлисларимизнинг қўллаб-қувватлашлари биз учун жуда муҳим. Барча ўйинларда шундай бўлишини истардик. Уларнинг бугунгидек яхши кайфиятда кўришни истаймиз. Биз ҳам ўз навбатида уларни доимий равишда ғалабалар билан хурсанд қилишга ҳаракат қиламиз”.