Нидерландиялик ҳимоячи Виржил ван Дейк ярим ҳимоячи Жордан Хендерсон Саудиянинг “Ал-Иттифоқ” клубига кетганидан сўнг “Ливерпул”нинг янги сардори бўлишга тайёрлигини маълум қилди.
“Биз Жорданни футболчи ва жамоа сардори сифатида соғинамиз. Бироқ, бу футболнинг бир қисми, ўйинчилар келади ва кетади. Мен кўп марта капитан бўлганман ва бундай дақиқалардан фахрланаман. Келажакда нима бўлишини кўрамиз, аммо "Ливерпул"нинг янги сардори бўлиш мен учун катта шараф бўлади", деди Виржил.
32 ёшли футболчи 2018 йилнинг январь ойидан буён "Ливерпул"да ўйнаб келяпти.
