"РБ Лейпциг" ҳимоячиси Йошко Гвардиол ёзги трансфер ойнасида гранд клубга кетиши мумкин.
Сўнгги пайтларда 21 ёшли хорватни матбуотда "Манчестер Сити" билан фаол боғлашмоқда. Англия премьер-лигасининг учта гиганти “шаҳарликлар” билан рақобатлашишга тайёр. Fichajes'нинг ёзишича, Гвардиолнинг трансфери бўйича "Ливерпуль", "Челси" ва "Манчестер Юнайтед" таклиф билан чиққан.
Нуфузли Transfermarkt портали Йошко Гвардиолни 75 миллион еврога баҳолаган. Олдинроқ хорватиялик футболчининг "Манчестер Сити"га трансфери ҳимоя чизиғи футболчилари учун рекорд харажат бўлиши мумкинлиги хабар қилинганди.
