"Интер Майами" ярим ҳимоячиси Роберт Тейлор Лионель Месси ва Серхио Бускетс билан ўйиндаги ҳис-туйғулари билан ўртоқлашди.
"Улар жамоага қўшилганида ҳаммамиз бироз ҳаяжонланган эдик. Албатта, Мессини кийиниш хонасида биринчи марта кўрганимда: "Вау" дегандим. Лекин мен ундан ҳам, Бускетсдан ҳам қўрқмаганман, чунки улар жуда яхши йигитлар, доим табассум қилишади.
Нима бўлганда ҳам, мен ҳар куни эрталаб машғулотларга келганимдан хурсандман, чунки мен бу ўйинчилар билан бирга машғулот ўтказишим ва улар билан яқин бўлишимни ҳамда улар мени яхшироқ ўйинчига айлантира олишларини биламан. Ҳамма дунёнинг энг яхши футболчилари билан ўйнашни хоҳлайди ва бизда бу имтиёз бор" - деди Тейлор.
