Аилтон Гонсалвес да Силва 1973 йил 19 июлда Мозейро Параиба ҳудудида туғилган, — бразилиялик футболчи ва ҳужумчи.
У 2004 йилда Бундеслиганинг энг яхши тўпурари ва Германияда йилнинг энг яхши футболчиси унвонига сазовор бўлган биринчи хорижлик бўлган.“Вердер” клубидаги ўйинлари билан танилган.
Аилтон Бундеслигада 100дан ортиқ гол урган тўртинчи хорижлик футболчидир. Ундан олдинроқ, 100дан ортиқ гол урган футболчилар Жованни Элбер (133), Клаудио Пизарро (142), Стефан Чапуиса (106) бўлган.
2008 йилда у Австриянинг “Альтах” жамоасида ўйнаган, август ойи охирида у клубдан кетган.
2009 йил 12 мартда Аилтон ўша пайтда Бразилиянинг иккинчи муҳим лигасида (Б серия) ўйнаган “Кампиненсе” клуби билан шартнома имзолади. “Кампиненсе” С Серияга тушиб кетганидан сўнг форвард жамоада узоқ қолмади ва 1 ўйинда 1 гол ургач, 2009 йилнинг ёзида Хитой Суперлигасида ўйнайдиган Хитойнинг "Чонгқинг Лифан" клуби билан шартнома имзолади.
Бироқ, бу ерда ҳам футболчи ўз ўрнини топа олмади ва бирорта ҳам расмий ўйин ўтказмасдан, Аилтон Германияга қайтди. 2009 йил 2 декабрда Германиянинг олтинчи дивизиони “Уэрдинген 05” клуби 36 ёшли бразилиялик билан 2011 йилнинг 30 июнига қадар шартнома имзолади.
2010 йилнинг ёзида у Бременнинг тўртинчи дивизион клуби “Обернеуланд” билан шартнома имзолади. 2011 йил 4 февралда клуб билан шартнома бекор қилинди. 2011 йилнинг баҳорида у “Рио Бранко” клубига ўтди.
Аилтон ҳеч қачон Бразилия терма жамоасида ўйнамаган. “Вердер”даги ўйинлари пайтида Қатар вакиллари футболчига ушбу мамлакат терма жамоасида ўйнаши учун бир неча миллион доллар таклиф қилишган.
Германия Бундеслигаси тарихидаги энг ёрқин ҳужумчилардан бири, “Вердер”да Германия чемпиони, Украинада Донетскнинг “Металлург” жамоасида ўйнашга муваффақ бўлган ва УЭФА кубогида “Шальке” сафида “Шахтёр” дарвозасига гол урган бразилиялик Айлтон деярли 50 ёшида футбол майдонида яна мўжиза яратди, деб хабар бермоқда Bild.
Фаолияти давомида содиқлиги билан ажралиб турмаган машҳур ҳужумчининг вазни ҳозир 100 кг (бўйи 178 см), аммо бу унинг яна гол уришига тўсқинлик қилмаяпти. 49 ёшли бразилиялик Германиядаги ҳаваскорлар лигаларидан бирида “Бассем” жамоаси таркибида тўлиқ ўйин ўтказди ва энг принципиал рақиби “Твистринген” билан бўлган баҳсда (2:2) аниқ зарба билан жамоасини мағлубиятдан қутқариб қолди. Мингга яқин мухлислар афсонанинг майдонга қайтишига гувоҳ бўлишди, гарчи одатда бир неча ўнлаб одамлар Бассемнинг уй учрашувларига боришарди.
Боз устига, Аилтон ўша ўйинда шерикларининг пасидан сўнг гол уриб уни жамоадошлари билан бирга Криштиану Роналду услубида нишонлашди.
“Вердер” мухлисларининг севимли футболчиси Бундеслигадан ташқари, Бразилия, Мексика, Сербия, Украина, Туркия, Швейцария, Австрия ва Хитой чемпионатларида ҳам ўйнаб, фаолиятини 2012 йилда якунлаган.
