"Барселона" вингери Усмон Дембеле "ПСЖ" билан шахсий шартларни келишиб олди, дея хабар бермоқда журналист Николо Скира.
Агар трансфер амалга оширилса, 26 ёшли франциялик футболчи йилигиа 16 миллион евро маош билан 5 йиллик шартнома имзолайди.
Франциялик ҳужумчи 2017 йилдан буён "Барселона"да ўйнаб келмоқда, у Дортмунднинг "Боруссия" жамоасидан 105 миллион евро эвазига ўтган эди.
2022/2023 йилги мавсумда Дембеле "Барселона" сафида барча мусобақаларда 35 та ўйинда майдонга тушиб, 8 та гол ва 9 та голли узатмани амалга оширган. Футболчининг Каталония клуби билан шартномаси 2024 йилнинг июнь ойи охиригача амал қилади. Transfermarkt портали футболчининг нархини 60 миллион еврога баҳоламоқда.
Аввалроқ, "ПСЖ" ушбу трансфер учун 50 миллион евро тўлаши хабар қилинганди.
