Лондоннинг "Тоттенхэм" клуби ёзда "Бавария"га ўтиши мумкин бўлган ҳужумчи Харри Кейн ўрнига танлов қилишга қарор қилди. Журналист Бен Жейкобснинг хабар беришича, "шпорлар" "Лилль" ҳужумчиси Жонатан Дэвидга қизиқиш билдирмоқда.
Манбага кўра, 23 ёшли канадалик ҳозирда "Тоттенхэм"нинг Кейн ўрнига номзодлар рўйхатидан асосий вариант. Дэвид ўтган мавсумда 37 та ўйинда 24 та гол урди ва 4 та голли узатмани амалга оширди.
"Лилль" Жонатанни 40 миллион еврога баҳолайди. Шу билан бирга, "Тоттенхэм" Кейнни сотиш учун 100 миллион евродан кўпроқ пул олмоқчи.













