Яқинда шартномани узайтиришдан бош тортгани учун турнени ўтказиб юборган ҳужумчи Килиан Мбаппени "ПСЖ"даги вазият безовта қилмоқда.
L’Equipe нашри хабарига кўра, ҳужумчи ёзда бошқа клубга ўтиб, "ПСЖ"га молиявий ёрдам беришга мажбур эмас, деб ҳисобламоқда.
Мбаппе аввалроқ шартномани узайтирмаслигини, лекин 2023/2024 йилги мавсумни "ПСЖ"да ўтказишини айтганди. Бунга жавобан клуб президенти Носир ал-Хелайфий Килиан шартномани узайтирсагина қолишини айтди. Парижликлар ҳужумчи "Реал" билан бир йилдан кейин текин трансфер бўйича келишиб олган деб гумон қилмоқдалар.
