"Манчестер Юнайтед" бош мураббийи Эрик Тен Хагнинг айтишича, ҳимоячи Гарри Магуайр ёзда жамоада қолиш ёки кетишини ҳал қилиши керак.

Ўтган мавсумда "Манчестер Юнайтед"нинг асосий таркибидаги ўрнини йўқотган Магуайр яқинда сардорлик боғичидан айрилди.

Ўтган ҳафтада "МЮ" Магуайрни сотиб олиш учун "Вест Хэм"нинг 20 миллион фунт стерлинглик таклифини рад этди, аммо Тен Хаг истаса, 30 ёшли инглиз футболчиси билан хайрлашишга тайёр.

"Тўғри. Бу унга боғлиқ. "Манчестер Юнайтед"да бўлганингда, ўз ўрнинг учун курашишинг, маҳоратингни қўллашинг ва жамоага энг мос ва энг фойдали эканлигингни исботлашинг керак.

Сардорликдан маҳрум қилиш? Гаррига қарши ғаразлигим йўқ, бу жамоа манфаати учун қилинган.

Кейинги қарорни у қабул қилиши керак. Лекин Гарри бу жамоанинг бир қисми эмас деб айтмайман. У ўз ўрни учун курашиши керак.

У жуда яхши марказий ҳимоячи ва мен Гарри Магуайрнинг салоҳиятига ишонаман. У фақат ўзини кўрсатиши ва асосий таркибга кириш учун курашиши керак. Бу унинг ўзига боғлиқ ва менимча, у буни уддалай олади", - деди Тен Хаг ESPN билан суҳбатда.