"Ювентус" марказий ҳимоячиси Леонардо Бонуччи фаолиятини Нидерландияда давом эттириш ҳақида жиддий ўйламоқда.
"Ювентус" 36 ёшли фахрий билан хайрлашишга қарор қилди ва уни сардорлик боғичидан ҳам маҳрум қилди. Клуб марказий ҳимоячи учун таклифларни кутмоқда ва яқин орада бу таклифлар келиши керак.
Журналист Оразио Аккомандонинг сўзларига кўра, “Аякс” тез орада расмий музокараларни бошлаш ниятида, Бонуччининг ўзи эса Амстердамга кўчиб ўтишга тайёр.
Леонардо Бонуччининг “кекса синьора” билан амалдаги шартномаси 2024 йилда якунига етади. Шартнома якунлангач, футболчи фаолиятини якунлашни режалаштирган.
