"Манчестер Юнайтед" чап қанот ҳимоячиси Альваро Фернандес "Бёрнли"нинг радарига тушди.
20 ёшли футболчи ўтган мавсумни Чемпионшипнинг "Престон" жамоасида ижара асосида ўтказди. Sky Sports хабарига кўра, испаниялик футболчининг ўйини "Бёрнли" раҳбариятини ҳайратда қолдирди ва энди жамоа футболчини қўлга киритишга умид қилмоқда.
Transfermarkt портали экспертлари Альваро Фернандеснинг трансфер нархини 7 миллион еврога баҳоламоқда. Латераль ҳали "қизил иблислар" асосий таркибида дебют ўтказгани йўқ.
Эслатиб ўтамиз, "Бёрнли" ўтган мавсум охирида чемпионшипда биринчи ўринни эгаллаб, Англия Премьер-лигасига қайтганди.
