Таянч ярим ҳимоячиси Марко Верратти келаси мавсумда "ПСЖ"да қолиши мумкин. Бу ҳақда L'Equipe нашри журналистлари хабар бермоқда.
Жамоа бош мураббийи Луис Энрике италиялик ярим ҳимоячининг сотилишига қарши. У Верраттини асосий таркиб футболчиси деб ҳисоблайди.
Аввалроқ Маркога Саудия Арабистони чемпионати клублари қизиқиш билдираётгани ҳақида хабар берилганди. Италиялик футболчини “Ал-Аҳли” ва “Ал-Ҳилол” ўз сафига қўшиб олмоқчи.
30 ёшли ярим ҳимоячи парижликлар жамоасида 2012 йилдан буён ўйнаб келмоқда, унинг шартномаси 2025/2026 йилги мавсум охиригача амал қилади. Transfermarkt унинг нархини 40 миллион еврога баҳоламоқда.
