«Брайтон»га тегишли бўлган япониялик ярим ҳимоячи Каору Митома кучлироқ инглиз клубига ўтиши мумкин.
Инсайдер Экрем Конур хабарига кўра, ярим ҳимоячининг хизматларига «Манчестер Сити» қизиқиш билдирмоқда.
Аввалроқ «шаҳарликлар» бош мураббийи Хосеп Гвардиола Митома ҳақида ижобий гапириб, уни ўзининг севимли осиёлик футболчиси деб атаганди.
26 ёшли осиёлик футболчи 2021 йил августидан бери «Брайтон» сафида тўп тепади. Каорунинг «денгиз отлари» билан тузилган меҳнат шартномаси муддати 2025 йилнинг июнь ойи охиригача ҳисобланади. Футболчининг трансфер нархи 32 миллион еврони ташкил қилади.
Митома ўтган мавсумда Премьер-лигада 33 та ўйинда майдонга тушиб, 7 та гол урди ва 5 та голли узатмани амалга оширди.
