"Манчестер Юнайтед" Донни ван де Бек ва Фредни ҳафта охиригача сотишни истамоқда.

Daily Mail хабарига кўра, "Манчестер Юнайтед" "Фиорентина" ярим ҳимоячиси Софьян Амрабат ва "Ницца" ҳимоячиси Жан-Клер Тодибонинг трансферини ван де Бек ва Фредни сотиш орқали молиялаштирмоқчи. Клуб Харри Магуайр ва Эрик Байи учун ҳам фойдали таклифларни кутмоқда.

Шунингдек, "Манчестер Юнайтед" "Эвертон" ярим ҳимоячиси Амаду Онана ва "Лидс" ярим ҳимоячиси Тайлер Адамсни сотиб олиш имкониятини кўриб чиқаётгани, аммо бу футболчилар бўйича музокаралар давом этмагани маълум бўлди.

Эслатиб ўтамиз, Донни ван де Бек "Реал Сосьедад"га ўтишга яқин турибди. Фредга "Галатасарой", "Фулхэм" ва Саудия Арабистони клублари қизиқиш билдирмоқда.