"Ал-Ҳилол" "ПСЖ" ярим ҳимоячиси Марко Верратти билан шартнома имзолаш устидла ишлашда давом этмоқда.
Инсайдер Фабрицио Романонинг сўзларига кўра, Саудия Арабистони жамоаси ўз таклифини 45 миллион еврогача оширган. Эслатиб ўтамиз, аввалроқ французлар италияликни 30 миллионга сотишдан бош тортган эди.
Манбанинг таъкидлашича, "ПСЖ" президенти Носир Ал-Хелайфи ҳалигача янги шартларда сотиш таклифини қабул қилишни истамаяпти. "Ал-Ҳилол" ҳали 45 миллион евродан кўпроқ таклиф қилиш керак, акс ҳолда Верратти катта эҳтимол билан "ПСЖ"да қолади.
Марконинг ўзи аллақачон "Ал-Ҳилол" билан 2026 йилгача мўлжалланган шартнома шартларини келишиб олган. "ПСЖ" футболчи учун 60-70 миллион евро сўрамоқда.
