Япониялик дарвозабон "Манчестер Юнайтед"га ўтишдан бош тортди.
"Манкунианликлар" жамоанинг иккинчи дарвозабони сифатида Зион Сузуки билан шартнома имзолаши мумкинлиги хабар қилинганди.
The Athletic нашри хабарига кўра, Премьер-лига клуби Япониянинг "Урава Ред Даймондс" жамоаси билан трансфер суммасини келишиб олган, бироқ футболчининг ўзи британияликларга рад жавобини берган.
У бельгиялик "Сент-Труйден"га ўтишга қарор қилди. Бу клуб япон хўжайинларига тегишли ва дарвозабон у ерда кўпроқ ўйин амалиётига эга бўлишига ишонмоқда.
"Юнайтед" ёзги трансфер ойнасида бошқа дарвозабонни сотиб олмоқчи.
