Франциялик машҳур ҳужумчи Бафетимби Гомис эркин агент сифатида Япониянинг "Кавасаки Фронтале" клубига ўтди.

Ўтган мавсумни 38 ёшли футболчи "Галатасарой"да ўтказиб, Туркия чемпионатининг 23та ўйинида 8та гол урди. Гомис шунингдек, "Сент-Этьен", "Лион", "Суонси", "Марсель" ва Франция терма жамоасидаги ўйинлари билан ҳам танилган. Терма жамоа таркибида 12 та ўйин ўтказиб, 3 та гол урган. Transfermarkt портали ҳозирда тажрибали франциялик футболчини 650 минг еврога баҳоламоқда.

Эслатиб ўтамиз, "Кавасаки Фронтале" Япониянинг тўрт карра чемпиони ҳисобланади. Бу жамоа охирги марта 2021 йилда ички чемпионатда ғалаба қозонишга муваффақ бўлганди.