"Манчестер Юнайтед"нинг янги футболчиси Расмус Хойлунд ўзининг ўйин хусусиятлари ҳақидаги саволга жавоб берди.
Даниялик футболчи "Қизил иблислар" сафига "Аталанта"дан бонусларни ҳисобга олмаганда 75 миллион евро эвазига кўчиб ўтди. Ўтган ҳафтада трансфер расман эълон қилинган эди.
“Энг муҳими ғалаба қозониш. Мен доим майдонга ғалаба қозониш мақсади билан чиқаман. Албатта, мен учун гол уриш ва мураббий талаб қилган ишни бажариш муҳим.
Мен чап оёғим билан дриблинг қилишни афзал кўраман, лекин ҳужумларни ўнг оёқ билан якунлай оламан. Ўйлайманки, мен турли йўллар билан гол уришим мумкин. Мен "Аталанта" ва Дания терма жамоасида турли позицияларда ўйнаганман, лекин мен доимо ўзимга ишонаман", - дея 20 ёшли ҳужумчининг сўзларидан иқтибос келтиради "Юнайтед" матбуот хизмати.
