"Интер" "Арсенал" ҳужумчиси Фоларин Балогуннинг трансфери устида ишламоқда.
Sportmediaset хабарига кўра, Италия клуби 22 ёшли футболчини қўлга киритиш учун фаворит бўлишига қарамай, раҳбарият Балогун шартнома имзолай олмаса, муқобил вариантлар рўйхатини тузган.
АҚШ терма жамоаси ва “Арсенал” футболчисига муқобил сифатида “Интер” “Удинезе” ҳужумчиси Бету ва “Порту” ҳужумчиси Меҳди Тареми билан боғлиқ вазиятни кузатмоқда.
Олдинроқ “Интер” Балогун учун 35 миллион евро таклиф қилиши, “Арсенал” эса 50 миллион талаб қилаётгани хабар қилинганди.
Ҳужумчи 2022/23 йилги мавсумни “Реймс”да ижара асосида ўтказди. Лига 1да у 37 учрашувда майдонга тушиб, 21 гол урган.
