"Челси"нинг ёш ярим ҳимоячиси Чезаре Казадеи "Лестер" клубига бир йилга ижарага кетишга яқин турибди. Журналист Натан Гиссингга кўра, италиялик футболчи “Лестер”да тиббий кўрикдан ўтган.
Казадеига аввалроқ “Женоа” қизиқиш билдирганди, бироқ “Челси” раҳбарияти футболчи ривожланиши учун Англияда қолгани маъқулроқ, деган қарорга келди. Чезарнинг “Лестер”га ўтишининг асосий ташаббускори яқинда “тулкилар”ни қабул қилиб олган бош мураббий Энцо Мареска бўлди.
Ўтган мавсумнинг иккинчи ярмида Казадеи Чемпионшипда ўйнаган, ярим йилни "Рединг" жамоасида ўтказган ва якунда Англиянинг учинчи дивизионига тушиб кетган.
