"Манчестер Сити" ҳужумчиси Эрлинг Холанд Transfermarkt портали томонидан Премьер-лиганинг энг яхши футболчиси деб топилди.
Манбанинг хабар беришича, овоз беришда бутун дунёдан 1,5 миллиондан ортиқ киши иштирок этган. Қайд этилишича, Холанд учун 68,55 фоиз овоз берилган. “Манчестер Сити” ярим ҳимоячиси Кевин де Брюйне 12,08 фоиз билан иккинчи бўлди. Кучли учликни “шаҳарликлар”нинг собиқ футболчиси Илкай Гюндоган ёпди – 4,58%.
23 ёшли Холанд ўтган мавсумда Премьер-лиганинг 35 ўйинида 36 гол урди ва 8 голга ассистентлик қилди.
Эртага, 11 август куни Премьер-лиганинг янги мавсумига старт берилади. Биринчи турда "Манчестер Сити" Тошкент вақти билан соат 23:59да бошланадиган "Бёрнли" меҳмони бўлади.