"Реал Мадрид"нинг собиқ ҳимоячиси, ҳозирда Бразилиянинг "Флуминенсе" клубида ўйнаётган Марсело Либертадорес кубоги плей-офф босқичи доирасида "Аргентинос Хуниорс"га қарши ўйинда (1:1) қўпол қоида бузгани учун узоқ муддатга дисквалификация қилинди.
Иккинчи бўлим бошида ҳимоячи рақибга қарши қўполлик ишлатгани учун тўғридан-тўғри қизил карточка олди. Марселонинг қўполлигидан сўнг футболчи жароҳат олди ва майдонни тарк этишга мажбур бўлди.
Дисквалификация туфайли ҳимоячи "Олимпия" билан чорак финал баҳсида "Флуминенсе"га ёрдам бера олмайди.
35 ёшли Марсело Бразилия клубига 2023 йилнинг февралида келиб қўшилган эди. Унинг шартномаси келаси йилнинг охиригача амал қилади.
