Бельгиялик 21 ёшли ҳужумчи Жереми Доку "Ренн"ни тарк этиб, фаолиятини АПЛда давом эттириши мумкин.
The Telegraph нашри хабарига кўра, "Манчестер Сити" иқтидорли ҳужумчи хизматларига қизиқиш билдирмоқда.
Британиялик журналистларнинг ёзишича, “шаҳарликлар” Докуни шу йилнинг ёзида Саудия Арабистони чемпионатига кўчиб ўтган жазоирлик Риёд Маҳрезга муқобил вариант сифатида кўрмоқда.
Лига 1нинг сўнгги мавсумида Жереми 29 та ўйин ўтказиб, 6 та гол ва иккита голли узатмани амалга оширди. Ҳужумчининг “Ренн” билан шартномаси 2025 йилнинг ёзига қадар тузилган ва унинг трансфер нархи 28 миллион еврога баҳоланган.
