Италиялик журналист Жанлука ди Марционинг ёзишича, миланликлар “Женоа” билан бразилиялик ҳужумчи Жуниор Мессиаснинг трансфери борасида амалда келишиб олган.

Мессиас бир ярим миллион евро эвазига А Серияга қайтган клубга ўтади, "Женоа" эса уни сотиб олиш ва ижара муддати тугагач, худди шундай суммани тўлаш мажбуриятини олади.

Мессиас "Милан"да икки мавсум ўтказди, унинг амалдаги шартномаси 2024 йилда тугайди. "Милан" учун 68 ўйинда Мессиас 12 та гол урди ва 5 та голли узатмани амалга оширди.

Эслатиб ўтамиз, Италия чемпионати 19 август куни бошланади, "Милан" ўзининг илк учрашувини "Болонья"га қарши ўтказади.