"Бавария" бош директори Ян-Кристиан Дризен "Тоттенхэм" ҳужумчиси Харри Кейннинг трансфери ҳақида фикр билдирди.
"Бу узоқ давом этган жараён эди, аммо энди биз ҳаммамиз Харри Кейн “Бавария” либосини кийишидан хурсандмиз. Кейн бошиданоқ бизнинг орзумиздаги футболчи бўлиб келган. У клубимиз ДНКсига ҳам футбол, ҳам характер жиҳатидан жуда мос тушади.
"Бавария" ўзининг энг катта ғалабаларини нишонлаганида жаҳон даражасидаги марказий ҳужумчилар доимо катта омил бўлиб келган ва биз Кейн бу муваффақиятни давом эттиришига аминмиз. Мухлислар бизнинг давримизнинг энг яхши тўпурарларидан бирини интиқлик билан кутишлари мумкин", - деди Дризен клуб матбуот хизматига.
