«Реал» ва «Челси» жамоалари дарвозабон Кепа Аррисабалага ижараси бўйича келишувга эришди, деб хабар беради Relevo журналисти Маттео Моретто.

Манбага кўра, Мадрид клуби 28 ёшли испанияликни сотиб олиш ҳуқуқисиз ижарага олади. Келишув кейинги бир неча соат ичида ёпилади.

Аррисабалага «Реал» дарвозабони Тибо Куртуанинг ўрнини эгаллайди. 10 август куни бельгиялик футболчининг чап тиззасидаги олдинги хочсимон боғлами йиртилгани маълум бўлди.

Олдинроқ инсайдер Николо Скира «Челси» дарвозабонига «Бавария»дан қизиқиш борлиги ҳақида хабар берганди.

Аммо лондонликлар сотиб олиш шарти билан ижарага олиш вариантида туриб олган мюнхенликларни рад этишди.

2022/23 йилги мавсумда Аррисабалага «Челси» сафида 39 та ўйинда майдонга тушиб, 45 та гол ўтказиб юборди ва 12 марта ўз дарвозаси дахлсизлигини сақлаб қолди.