Риёд Маҳрез кетганидан кейин "Манчестер Сити" ҳужумкор позицияга "Ренн" футболчиси Жереми Докуни олиб келиши мумкин.
Daily Mail нашри хабарига кўра, Англия чемпионлари 21 ёшли вингер учун 40-50 миллион фунт (тахминан 46-58 миллион евро) таклиф қилишлари мумкин.
"Ренн"даги уч мавсум давомида Доку 90 та расмий ўйин ўтказди. Уларда бельгиялик футболчи 11 та гол урди ва шериклари учун 10 та голли узатмани амалга оширди. Жереми Бельгия терма жамоаси сафида 14 ўйин ўтказиб, икки бор гол урган.
Эслатиб ўтамиз, “Манчестер Сити” янги Англия чемпионатини “Бёрнли” устидан 3:0 ҳисобида йирик ғалаба билан бошлади.
