Жоау Канселу «Манчестер Сити»дан «Барселона»га ўтишга жуда яқин.
Агар кутилмаган бирор нарса содир бўлмаса, битим яқин келажакда якунланади, бу ҳақда AS ўз саҳифаларида маълум қилди.
Манбага кўра, 29 ёшли Канселу сотиб олиш шарти билан ижара асосида «Барселона»га ўтади. Қайд этилишича, футболчининг ўзи бу келишувда асосий роль ўйнаган, у «Камп Ноу»га ўтишни жуда хоҳлаган.
Эслатиб ўтамиз, Жоау Канселу 2022/2023 йилги мавсумнинг иккинчи қисмини «Бавария»да ижара асосида ўтказди.
Transfermarkt портали португалиялик футболчини 50 миллион еврога баҳоламоқда.