Эдер Милитао хочсимон пайларини узиши туфайли деярли бутун мавсумни ўтказиб юборади.

AS хабарига кўра, «Реал» ҳимоячиси жароҳатидан фориғ бўлиши учун камида 9 ой керак бўлади.

The Athletic журналисти Гильермо Райнинг хабар беришича, энг тез ҳолатда Эдер 6 ойдан кейин майдонга қайтади.

Бу тикланишнинг минимал даври. Бироқ, «Реал Мадрид»даги баъзи манбаларга кўра, бразилияликнинг даволаниши учун камида 9 ой керак бўлади. Бу ҳолатда у апрель ойида Тибо Куртуа билан бир вақтда майдонга қайтади.

Милитао Ла Лиганинг 1-тури доирасидаги «Атлетик»га (2:0) қарши ўйинда тиззасидан жароҳат олди. Бразилиялик футболчи 50-дақиқада алмаштирилди, у кўз ёшлари билан майдонни тарк этди.