«Наполи» ва «Торино» клубининг собиқ футболчиси Луиджи Панарелли Италия терма жамоасини ким бошқариши кераклиги ҳақида гапирди.
«Ишончим комилки, Лучано Спалетти Италия терма жамоаси бош мураббийи бўлиши керак. У «Наполи»да ажойиб иш қилди, у ўзининг чўққисида чиқди, Скудеттони қўлга киритди.
Мураббий сифатида у қурган жамоага қойил қолдим. Ишончим комилки, у Италия терма жамоаси билан муваффақият қозона олади. Умид қиламанки, унинг ўзи ҳам бундан манфаатдор», - деди Панарелли.
Эслатиб ўтамиз, кеча, 13 август куни Роберто Манчини Италия терма жамоаси бош мураббийлигидан кетгани маълум бўлди.
