Ярим ҳимоячи Раде Крунич ёзги трансфер ойнасида «Милан»ни «Фенербахче»га ўзгартириши мумкин.
Журналист Ягиз Сабунчўғлининг ижтимоий тармоқларда хабар беришича, турк клуби 29 ёшли футболчи учун «россонерилар»га янги таклиф билан чиққан.
«Канарейкалар» босниялик футболчининг трансфери учун 7 миллион евро таклиф қилмоқда.
Қайд этилишича, Крунич аллақачон «Фенербахче» билан келишиб олган. Энди футболчи клубларнинг келишишини кутмоқда.
Раде Крунич «Милан»да 2019 йилнинг ёзидан буён ўйнамоқда. Ўшандан бери ярим ҳимоячи 125 та расмий ўйинда майдонга тушиб, ўз ҳисобига 3 та гол ва 6 та голли узатма ёздириб қўйган.
