"Хетафе" тиббиёт штаби вакили 4 та ўйинга дисквалификация қилинди.
Diario Sport хабарига кўра, Кристофер Ойола Паласиос Ла Лиганинг 1-турида "Барселона"га қарши ўйинда Рафиньянинг қўполлигидан норозилигини билдирган. "Хетафе" тиббий жамоаси аъзоси ҳакамларни ҳақорат қилиб, бразилияликни четлатишни талаб қилди, натижада унга қизил карточка кўрсатилди.
Эслатиб ўтамиз, Рафинья 42-дақиқада "Хетафе" ҳимоячиси Гастон Альваресга тирсаги билан зарба бергани учун тўғридан-тўғри қизил карточка олганди.
"Барселона" вингери Ла Лигада 2 та ўйинга, каталонияликлар бош мураббийи Хави ҳам 2 та ўйинга дисквалификация қилинди.
