Мюнхеннинг “Бавария” клуби жорий трансфер ойнасида ҳимоячи Бенжамин Павар билан хайрлашмоқчи. Бу ҳақда инсайдер Флориан Плеттенберг ижтимоий тармоқлар орқали хабар берди.
Журналистнинг сўзларига кўра, Бундеслига чемпиони франциялик футболчи учун 40 миллион евро таклиф қилса, у билан хайрлашишга тайёр.
Бенжамин мюнхенликлар сафида 2019 йилнинг ёзидан бери ўйнаб келмоқда. Ҳимоячи 163 учрашувда қатнашиб, 12 гол ва 12 голга ассистентлик қилган.
Аввалроқ Паварга Миланнинг "Интер" клубидан қизиқиш бўлаётгани ҳақида маълумотлар пайдо бўлганди.
