Мадриднинг “Реал” клуби бош мураббийи Карло Анчелотти жамоа вингери Винисиус Жуниор УEФА талқини бўйича энг яхши футболчилари ўнталигига киритилмагани ҳақида гапирди.
"Винисиус УEФА талқинига кўра дунёнинг энг яхши 10 нафар футболчиси эмасми? Менга ҳам, Винисиуснинг ўзига ҳам бу қизиқ эмас. Мен учун у ҳозир дунёдаги энг яхшиси. Винисиус буни билади ва тез орада майдондаги ўйин билан ҳаммасини кўрсатади", - деди Анчелотти матбуот анжуманида.
Винисиус ўтган мавсумда Ла Лигада 10 та гол урди ва 9 та голли узатмани амалга оширди. Бразилиялик футболчи Чемпионлар лигасида ҳам 7 та гол ва 5 та голли узатмани амалга оширди.
