Мадриднинг “Реал” клуби ҳужумчиси Винисиус Жуниор Жуд Беллингем билан дуэти ҳақида ўз фикрларини билдириб ўтди.
Шанба куни Ла Лига 2-туридан ўрин олган "Альмерия"га қарши ўйинда инглиз футболчиси иккита гол урди ва Винисиусга узатмани амалга оширди. Учрашув 3:1 ҳисобида якунланди ва финал ҳуштаги янграгандан сўнг бразилиялик футболчи жамоага янги келган 20 ёшли футболчи билан ўзаро муносабатлари ҳақида ўз фикрлари билан ўртоқлашди: “Умид қиламанки, Беллингем билан худди Карим Бензема билан бўлгандек самарали ҳаракатлар амалга ошираман", - дея Винисиусдан иқтибос келтиради Madrid Zone.
Жуд Беллингем июль ойида "Боруссия Дортмунд"дан "Реал"га ўтган эди. Бундан бироз олдин Карим Бензема Саудия Арабистонига кўчиб ўтди ва "Ал-Иттиҳод" билан шартнома имзолади.
