«Удинезе» ярим ҳимоячиси Лазар Самарджичга «Лацио» қизиқиш билдирмоқда.
21 ёшли футболчи деярли «Интер»га ўтганди, бироқ ярим ҳимоячининг ўзгарган талаблари туфайли келишув амалга ошмай қолди.
Эндиликда А Сериянинг яна бир гранди «Лацио» Самарджични ўз сафига тортишга киришди. Римликлар «Удинезе»га сербни ижарага олиш таклифини юборишди ва кейин уни сотиб олиш мажбуриятини юкладилар.
Лазар Самарджичнинг трансфер нархи 14 миллион еврони ташкил қилади. Ўтган мавсумда футболчи «Удинезе» сафида А Серияда 37 та ўйинда майдонга тушиб, 5 та гол ва 4 та голли узатмага муаллифлик қилган.
