"ПСЖ" ярим ҳимоячиси Марко Верратти Саудия Арабистонининг янги клуби қизиқишлари доирасига тушиб қолди. Журналист Фабрицио Романонинг ёзишича, "Ал-Арабий" италиялик учун курашга қўшилган.
Манбанинг хабар беришича, жамоа яқин вақт ичида Верратти трансфери бўйича биринчи таклифни беришга тайёрланмоқда. Аввалроқ “Ал-Аҳли” ярим ҳимоячи учун кўриб чиқилаётган эди, бироқ клуб ҳали парижликларнинг 80 миллион евролик молиявий талабини қондира олмади.
Верраттининг ўзи "ПСЖ"ни тарк этиб, катта маош олиш учун Саудия Арабистонига боришга тайёр. Италиялик футболчи парижликлар жамоасида 2012 йилнинг ёзидан буён ўйнаб келмоқда.
