"Манчестер Сити" ҳимоячиси Жоау Канселу яқин орада тиббий кўрикдан ўтиш учун Барселонага учиб кетиши режалаштирилган. Sport хабарига кўра, португалиялик ҳимоячи бугун шаҳарга учиб кетиши керак.
Манбанинг таъкидлашича, бир неча кун олдин Жоау шаҳарда уй қидираётган эди. Португалиялик футболчи 30 миллион еврога сотиб олиш имконияти билан ижара асосида "Барселона"га ўтиши керак. Муайян шароитларда, сотиб олиш имконияти каталонияликлар учун мажбурий бўлиши мумкин.
29 ёшли Канселу ўтган мавсумнинг иккинчи ярмида "Бавария"да ижара асосида ўйнади. Томас Тухель жамоаси ҳимоячини 70 миллион евро эвазига доимий равишда сотиб олишдан бош тортди.