Загребнинг “Динамо” жамоасида Хорватияда тўп тепаётган хорватиялик дарвозабон Доминик Ливакович фаолиятини Туркия чемпионатида давом эттиради. 28 ёшли дарвозабоннинг янги иш жойи “Фенербахче Истанбул” бўлади.
Туркия гиганти матбуот хизмати хабарига кўра, Ливаковичнинг трансфери бўйича келишувга эришилган. 24 август, пайшанба куни футболчи тиббий кўрикдан ўтиш ва меҳнат шартномасини имзолаш учун Истанбулга келади.
Доминик 2015 йилнинг ёзидан буён "Динамо"да ўйнамоқда. Transfermarkt маълумотларига кўра, футболчининг нархи 12 миллион евро.
