"Челси" ярим ҳимоячиси Мойсес Кайседо яна бир янги футболчи Ромео Лавия билан шартнома имзолашда катта роль ўйнади, у "Саутгемптон"дан "Стэмфорд Бридж"га тахминан 60 миллион еврога бонуслар билан кўчиб ўтди.
The Athletic хабарига кўра, трансфер ўртасида Кайседо Лавиага бельгиялик билан бир жамоада ўйнашни жуда хоҳлашини ёзган. Ромео "Ливерпуль" билан варианти бўлса ҳам "Челси"ни танлади. Айнан шу танловни Кайседонинг ўзи ҳам қилган.
Эслатиб ўтамиз, Мойсес шу ёзда Англия Премьер-лигаси тарихидаги энг қиммат футболчига айланди. Унинг трансфер суммаси бонусларни ҳисобга олган ҳолда 130 миллион евродан ошиши мумкин.