"Барселона" бу ёзда марказий ҳимоячи Клеман Ланглени сота олмаслигига шубҳа қилмаяпти. Sport нашрининг ёзишича, бунга французнинг катта маоши сабаб бўлмоқда. 28 ёшли футболчи йилига 12 миллион евро маош олади.
Шунга қарамай, "Барселона" Лангленинг маошини тежаш учун яна бир бор ижарага беришга умид қилмоқда. Клеманни яна ижарага олмоқчи бўлган Лондоннинг "Тоттенхэм" клуби қизиқиш билдирмоқда. Французнинг ўзи ўтган мавсумда ўйнаган жамоасига қайтишга тайёр.
Эслатиб ўтамиз, аввалроқ Лангле фаолиятини Саудия Арабистонида давом эттириш вариантидан бош тортган эди.