Лондоннинг “Арсенал” клуби ҳужумчи Фоларин Балогунни Англия Премьер-лигасининг бошқа клубига қўйиб юбориш ниятида эмас.
22 ёшли футболчига Англия чемпионатининг кўплаб вакиллари, жумладан, "Челси", "Вест Хэм" ва "Тоттенхэм" қизиқиш билдиришган - ҳар учала клуб ҳам ҳужумчи учун сўров билан чиқишган. Журналист Сами Мокбелнинг сўзларига кўра, "Арсенал" Балогуннинг Премьер-лиганинг бошқа клубига сотилишини фақат харидорлар бошқа чемпионатлардан даъвогарларга нисбатан анча қулай шарт-шароитларни таклиф қилган тақдирдагина маъқуллайди.
Transfermarkt маълумотларига кўра, Фоларин Балогун 30 млн еврога баҳоланган.