"Манчестер Юнайтед" марказий ҳимоячиси Лисандро Мартинес Англия Премьер-лигаси даражаси ҳақида гапирди. Эслатиб ўтамиз, аргентиналик футболчи ўтган ёзда Амстердамнинг "Аякс" клубидан "қизил иблислар"га ўтган эди.
“Албатта, “Аякс”дан кетганимдан кейин фарқни ҳис қилдим. Премьер-лига бутунлай бошқача динамикага эга шиддатли чемпионат. Бу ерда сиз сайёрамизнинг энг яхши лигасида дунёнинг энг яхши футболчиларига қарши ўйнашингиз мумкин", - деди Мартинес.
Эслатиб ўтамиз, Мартинес "Манчестер Юнайтед" учун биринчи мавсумда Эрик тен Хаг жамоаси билан Лига кубогини қўлга киритган эди. Аргентиналик футболчи аввалроқ нидерландиялик мутахассис билан “Аякс”да ишлаган эди.
