"Реал" ярим ҳимоячиси Тони Кроос "Сельта"нинг 21 ёшли ярим ҳимоячиси Габриэль Вейганинг Саудиянинг "Ал-Аҳли" клубига ўтиши кутилаётгани ҳақидаги маълумотга салбий муносабат билдирди.

Германиялик ярим ҳимоячи ижтимоий тармоғдаги саҳифасида "Шарманда!" - деб пост қолдирди.

Эслатиб ўтамиз, Вейга трансферига Европанинг кўплаб клублари қизиқиш билдиришган. "Барселона", "ПСЖ", "Манчестер Сити" ва "Наполи" ўйинчини ўз сафига қўшиб олмоқчи эди, бироқ футболчи Саудия Арабистонидан яхшироқ таклифга рози бўлди.

Ўтган мавсумда Габриэль Испания чемпионатида 36 та ўйинда майдонга тушиб, 11 та гол урди ва 3 та голга ассистентлик қилди.