"Фулхэм" бош мураббийи Марко Силва италиялик ҳужумчи Мойзе Киннинг трансфери ҳақида гапирди.
"Мойзе Кин биз учун ҳужумдаги ечим эмас. Мен футболчилар ҳақида гапиришни ёқтирмайман, лекин бу ҳолатга ойдинлик киритмоқчиман", - деди португалиялик мутахассис.
Олдинроқ "Фулхэм" Александр Митрович кетганидан сўнг "Ювентус" ҳужумчиси учун 30 миллион евро тўлашга тайёр эканликлари хабар қилинганди, аммо "бьянконерлар" ўз футболчисини камида 40 миллион еврога қўйиб юборишлари мумкин.
Эслатиб ўтамиз, Мойзе Кин ўтган мавсумда "кекса синьора" либосида 40 та ўйин ўтказиб, 8 та гол урган. Transfermarkt портали 23 ёшли ҳужумчининг нархини 18 миллион еврога баҳоламоқда.
